|
|
 saprge tēma (2005-10-19 22:56) [ visas] :
Latgolys kukarkom
| saprge (2005-10-19 22:56) |
|
Tai kai ite nikas naūteik, īsadūmuoju īlikt breineigu receptu nu sovim kruojumim. Nav zogts, atrosts čulanā iz plaukta!
Blīnu torte
3 ūlas vysas sasyt, tod pīlej ½ glōzes krējuma, myltu pīlīk tik daudz, kai varēs izrullēt. 1 voi 3 karūtes cukura vēl līk. Tod ņem pa mozom bulceņom un izrulej blīnūs, un cap apakškrosne, cap, lai byutu bolti, trausli, lai nasadag bryuni.
Tod ņem svīsta ½ kg un cukura 1 1 ½ glōzes un šitu svīstu un cukuru kuļ, cikom palīk krēmā. Svīstam juobyun ļūti svaigam un bez sōļa.
Tod paņem blīni un uz tō smērej sakultu svīstu ar cukuru, un uz tō līk nōkušū blīni un t. t. Līk krēma kōrtu pabīzu. Var šitō krēma kōrtu likt marmelādes kōrtu. Tod vērsu nūsmērej ar marmelādi un ar konfektēm izgarinej.
Ar svīsta krēmu vērsu nūsmērej, ar šū krēmu un ar ūgom voi konfektēm garinej, un ar kakao vēl vērsu bryunu nūber.
|
|
Rādu no 1 līdz 1 (kopā 1) |
|
|
Šī tēma ir slēgta un to vairs nevar komentēt
|
