|
|
 saprge tēma (2005-09-30 19:25) [ visas] :
Konkurss "Es eimu nu Latgolys"
| saprge (2005-09-30 19:25) |
|
Rokstu dorbu konkurss
Es eimu nu Latgolys
Nūlykums
Latgolys Studentu centrs organizej konkursu, kurā Latgolys cylvākus aicynoj izsaceit, kas jim nu vysys sirds līk byut lapnim i kū jī redz asam lobu sovā apleicīnē i dzeivē.
Konkursā var pīsadalēt vysi ļauds bez kaida īrūbežuojuma. Ka tik lapnums ir!
Tys ir aicynuojums apsazynuot sovu latgalīša sovpateibu, sovu izaceļšonu, puordūmuot myusu dīnu dzeivi Latgolā, atkluot i aprakstēt cylvākus, kas dora kū sovys pusis i cylvāku lobā.
Tikai tys, kas apsazynoj sovys saknis i sovpateibu, nasakaunej seve, naaizalīdz sova tāva ar muoti i vēļ tuoļuoku seņču. Tikai tys dzeivoj pylnvierteigu dzeivi. Mums ir vysakuo! Voi zynom tuo?
Rokstit i izsokit sovu lapnumu i prīcu:
par sovu dzymtū pusi,
par Latgolys cylvākim ogruok i niule,
par kaidu sovpateibu niulenejā pasaulī.
Myusu pīduovuotī temati:
Latgola muns lapnums
Francis Trasuns (voi kaida cyta personeiba) muns lapnums
Es asu lapnys par tū, ka asu latgalīts.
Es kai ludzuonīts, varakļuonīts (voi nu kaidys cytys vītys)
Myusu Svātyunis azars (par kaida cyta vīta)
Konkurss nūteik divejuos kuortuos.
Pyrmajā kuortā teik īsnīgti rokstu dorbi, kū viertej konkursa organizatoru izvālāta komiseja.
Lobuokī dorbi teik izvierzeiti ūtrajai kuortai, kas nūtiks kluotīnē.
Dorbi īsyutomi da 2005.goda 20.oktobra.
Vālams, kab jī byutu latgalīšu rokstu volūdā (ite pīzeime klaidys itūreiz natiks skaiteitys, partū ka golvonais ir saturs i gribeišona raksteit).
Roksta lelums 500 vuordu.
Dorbi īsnādzami datorsalykumā voi ari skaidrā rūkrokstā.
Adress:
konkursam Es eimu nu Latgolys, Latgolys Studentu centrs, Latvejis Universitatis Filologejis fakultate, Visvalža īla 4a, 222. kab., Reiga, LV 1050
Var syuteit ari iz e-postu lgsc@inbox.lv
Vaira dazynuošonys:
6460299 (Ilona), e-posts: lgsc@inbox.lv
Paļd |
|
Rādu no 1 līdz 1 (kopā 1) |
|
|
Šī tēma ir slēgta un to vairs nevar komentēt
|
